(الناس المؤذيه)
الكل أذاك..
لكن رحمة ربك حمياك
دول ناس لو طالت ياكلوك حي
لكن ربك يوهبلك ضي
ويبينلك سوء نيتهم
سوء عشرتهم
ففلحظة بتترك دنيتهم
وبتنسى ف يوم رغم جراحهم
سايبه أثارها ندبات جواك من خيانتهم
لكن بتعوض ربك، ويعوض
علشان المكسب خسارتهم
اااااااااااااااااااااااااااااااااااااااااااا
علشان قلبك قلب لإنسان
بيأثر فيك جداً جداً لما بتتخان
والعشرة تهون
انا عارف الصدمه كبيره
والدنيا بتتحول لاسود وقتها ف عينيك
وبتفقد أملك ف ثواني
أوجاعك تاخدك بالقوه
وف أصعب أحزانك ترميك
واليأس بياخدك من حلمك
وبأسوء كوابيسك يبليك
اااااااااااااااااااااااااااااااااااااااااااا
لكن اطمن..
كل الأعراض دي طبيعيه
هتعدي بصبرك، بفراقك
للناس الخاينه المؤذيه
وبعادك عنهم هيريح قلبك جداً
لما تفكر وتشوف الأمر بإيجابيه
هتلاقي المكسب ف فراقهم
دا بنسبة مليون ف الميه
اااااااااااااااااااااااااااااااااااااااااااا
انما حزنك ووجع قلبك
دا عشان وقتك وعشان جرحك
علشان إنك لساك إنسان
واهي تجربه تضاف لتجاربك
وعشان مأذتش ف يوم غيرك
ومخنتش وخالفت ضميرك
وعشان قلبك ابيض ونضيف
فمتقلقشي.....
هيخف ويشفى قوام قلبك
فاحمد واشكر دايماً ربك
اااااااااااااااااااااااااااااااااااااااااااا
اااااااااااااااااااااااااااااااااااااااااااا
إبراهيم سعيد
Ibrahim Said