| نص عايش نص ميت |
ألف فكره جوه مني
كلها أفكار غريبه
خارجه دايماً ع الطبيعه
واللي أغرب إنها دايماً بتتلخص ف فكره
هو انا عايش بجد، ولا ميت
ولا انا دلوقتي عايش نص عايش نص ميت
////////////////////////////////////
حاجه صعبه لما يبقى الحزن فيك حاكم وسيد
لما تبقى ......
نص فكره، نص كلمه، نص ضحكه
نص بني آدم ضعيف
لما تبقى نص حاجه
أي حاجه.......
جوه منك كل شيء يصبح كفيف
////////////////////////////////////
نص روح دايماً تعافر
جوه بحر من الضَلام
والألم جواها كافر
لما يظهر وشه الاسود
يتخرص فجأه الكلام
زي أشباح القصص
لما بتبان للضحايا
يختفي فجأه الأمان
الأمل موجود لكنه
زي عدمه
لما وحش اليأس هزمه
بعدها أصبح جبان
////////////////////////////////////
نص عايش نص ميت
والوجع دايماً مبيت
جوه نص الحي فيا
حتى أحلامي العفيَّه
كلها صبحت مريضه
م الألام ومن الأذيه
من عذاب وجراح شديده
والمشاعر مداريه
خايفه من اوجاع جديده
////////////////////////////////////
حالي أصبح حال يبَّكي
حزن مالي نص قلبي
نص قلبي.....
اللّـ عايش
مهما احاول عني اخبي
كل حزني كل ألمي
كل غُلبي كل تعبي
تظهر الأوجاع كداعش
تدبح الأمل اللـ باقي
انو يبقى حتى عايش فيا نص
تصبح الدنيا ف مشاعري هُس هُس
قلبي ينقص فجأه نبضه
يرتفع خوفه ورعبه
يبتدي بالموت يحس
////////////////////////////////////
////////////////////////////////////
إبراهيم سعيد
Ibrahim Said