هتوصلوُ بينا لغاية فين؟
وهَتعملوُ اي ي نواب الشعب؟
هو انتم فعلاً مش شايفين؟
وصلنا لفين...!
والعيشه اللي الناس عايشينها
ف هموم وف غُلب
وحياة الناس التعبانه
وظروف الناس اللي بقت صعب
وصلنا لفين...!
والعيشه اللي الناس عايشينها
ف هموم وف غُلب
وحياة الناس التعبانه
وظروف الناس اللي بقت صعب
دا بدل يَعني ما تكونوُ صوتنا
ناويين تخربوُ يَعني بيوتنا
وبتحجُروُ على حُريتنا
وهتوصلوُ بينا لغاية فين ؟
أفكار تافهه ملهاش لازمه
وحلول بتزود ف الأزمه
وحقوق الناس تحت الجزمه
و هتوصلوُ بينا لغاية فين ؟
شعارات كدابه مفيش غيرها
وكوارث قرارتكوُ نِشيلها
والغلطه احنا بنتحملها
علشان حضراتكم ترتاحوُ
الأرض وعايزين تِبيعوها
وتقولوُ حقوق رجعتوها
وبصيرة الناس خدرتوها
وكإن الناس وافقوُ وباعوُ
يطلعلنا نايب ويطبل
ويقول ف الدستور هَنعدل
ونزود ف الصلاحيات
والفتره تطول أكتر واكتر
وعشان القاضي طلع راجل
وحكم بالحق وكان عادل
صنافير وتيران من أراضينا
ازاي بقى يعجب معاليكوُ !!
فقانونهُم لازم يتعدل علشان يتشكل بإيديكوُ
يتعاقب هو وأمثاله من غير م يحسوُ الناس بيكوُ
حتى الأزهر مش رحمينو !
يتشكل زي ما عايزينو !
بالذِمه دا بقى إسمو كلام !
ملعون التطبيل وسنينو
وواحد يطلع ويقول فكره !
خوفاً على مصر من الفتنه
وعشان بنحارب ف الأرهاب
نتحكم ف السوشيال ميديا !!
فيسبوك هيبقى بتسعيره !
ومفيش واحد هيجيب سيره
ويعارض أو هيقول رأيُه
ع السجن هياخد تأشيره
مجلسكم أصبح شيء بايخ
ولا لوه أهدف ولا شيء واضح
دا الصوت الصالح وِسطيكم
داخل مجلسكم مش نافع
حِسوا بآلام البني آدمين
دانتوُ من وِسط الناس جيتوُ
خَليكُم قُدامُهم واضحين
وقولولنا بكل صراحه وصدق
هتوصلوُ بينا لغاية فين ؟
هتوصلوُ بينا لغاية فين ؟
إبراهيم سعيد
Ibrahim Said