يا مِتشاف بالعيون دايماً ◐◑
بصـوره عكـس لحقيقتـك
وبتداري ف هموم قتلاك
وحزن تملي بيهدك
وتضحك والدموع جواك
بتدعي عليك وبتسِبك
تخاف دايماً تقول الأه
لاحد ف مره يسمعها
تبان دايماً بلا مبالاه
بكام ضِحكه بترسمها
بتستكفي بنظره لفوق
بتوصل للسبع سماوات
وتدعي وتشكي ما ف جوفك
ف عُزله وصمت
ومعظم اللي بيشوفك
يشوف نظرة عينيك بالعكس
ي مِتشاف بالعيون ضحكه
بتملـى الدُنيـا بصــداهـا
بطول بالعرض بتعيشها
بدمعه الكدب غطاها
بتلبـس وش تتنكـر
وتِخفي الهم والأوجاع
مفيش ولا حد يوم فكر
بإن ضِحكتك دي قناع
إبراهيم سعيد
Ibrahim Said