(بين يأس وحلم)
في يوم ......اتجمع يأس وحلم
والحلم صغير لكن اليأس
كان أكبر منه كتير في السن
~.~~.~~.~~.~
~.~~.~~.~~.~
الحلم وقف ف مكان مكشوف
بيدور على شيء ضاع منه
كان باين ف عينيه نظرة خوف
خلى اليأس يقرب منه
~.~~.~~.~~.~
~.~~.~~.~~.~
وبدأ يسأل وبيستفسر ؟ مالك يابني | ايه ضاع منك ؟
فضفض واحكي يمكن اساعدك
~.~~.~~.~~.~
~.~~.~~.~~.~
وبصوت ممزوج بألم وآهات
رد الحلم وقاله | تعالى ،،،،
أنا حلم مريض قربت أموت
وداوايا الموصوف ضاع مني
ودا منه خلاص مبقاش موجود
من غيره الأحزان تقتلني
~.~~.~~.~~.~
~.~~.~~.~~.~
ودواك يابني دا يطلع ايه دا أمل بيساعد نبضي يعيش
ودا أخر حاجه بتسندني
وألام جوايا بعد م ضاع
بتقطع فيا، تموتني
~.~~.~~.~~.~
~.~~.~~.~~.~
أخر واحد بين اخواته
كانوا ياما كتير قبله وماتوا
لكن هو اتمسك بيا
وحلف إنو يكون ف إيديا
سيف يحميني من شبح اليأس
واتمرمض، شاف ياما أذيه
لكن كان دايماً يتحمل ويقول معلش
فاليأس ضحك وبصوت عالي قاله يا ويلداه لساك واهم ؟
بتدور على إبره ف كوم قش
بتدور على إبره ف كوم قش
~.~~.~~.~~.~
أرتعش الحلم وخاف أكتر
وسكت لحظات كان بيفكر
ف كــلام اليأس
وبصوت مهزوز غالباه الأحزان
ومأثره فيـه
بكلام خارج من روح إنسان
تاهت معانيه
بسؤال فاقد الإحساس بيه
تقدر تساعدني ي عم الاقيه ؟
~.~~.~~.~~.~
اليأس ضحك وعينيه بتلمع عايز تعرف أملك راح فين ؟ عايز طبعاً بس الأول تعرف أنا مين ؟ لا مش عارف أنا شبح اليأس
الـ انت حاربته سنين وسنين
~.~~.~~.~~.~
بص لنفسك شوف واقف فين
دي مدافن أحلام الملايين
التفت الحلم شمال ويمين
ووقع ع الأرض أمام اليأس 
واليأس بكل تعالي يقول
بص عليا ـ أكد فيا
أنا فـزت عليــــك
ودفنت انا أملك بإيديا
~.~~.~~.~~.~
والحلم ف أخر أنفاسه
وبيقفل عين ويفتح عين
واليأس يطبطب على راسه
عايز تهزمني !! صحيح مسكين
~.~~.~~.~~.~
~.~~.~~.~~.~
~.~~.~~.~~.~
إبراهيم سعيد
Ibraim Said