في الغالب بتبان الصوره
على حسب اللي بيبصلها
وسواء كانت صوره جميله
أو وحشه ف روحها وتفاصيلها
الصوره بتتأثر أوقات
بعوامـل بتغيـر حالهـا
▤▥▦▧▤▥▦▧▧▨
الصوره المرسومه بحرفه
ي بتخدع ي توصل فكره
وبتتجمع فيهـا مـلامــح
ي تكون صادقة ي تكون كدبه
▤▥▦▧▤▥▦▧▧▨
ممكن تخفي الضحكه وراها
أحزان اكبر بكتير مالوصف
وساعات تبقى الضحكه خيانه
متبنشي غير بمرور الوقـت
▤▥▦▧▤▥▦▧▧▨
الصوره ساعات بيكون فيها
دمعة إنسـان مخلوطـه بقهر
طبخه بتتكون من أحزان وكيان مقهور
بتطيب على مهل 
وبتسخن على نار الدنيا وبتغلي تفور
والأخر تخرج مهريه بأمر المأمور
طعمها يطلع لما بتداق مر وعلقم
تتشكل على صورة إنسان بيعيش مكسور
▤▥▦▧▤▥▦▧▧▨
الدنيا دي لوحه بتتشكل بالبني آدمين
جواها تلاقي صور ياما وأشكال ملايين
فيهـا الطيب وابـن الإنســان 
لكن ف اللوحه تلاقي كتير أولاد شياطين 
إبراهيم سعيد
Ibrahim Said