ف الدنيا ناس مفيهاش ضمير
وفي كتير أصبح ضرير
رغم العيون مفتحين !!
بقت الوجوه متشكله متلونه وبألف لون
في ناس طمعها وظلمها خيلها ممكن تكون
إله لغيرها من البشر
وناس بتندب بختها
وناس بتلعن أهلها
وناس كبائر حلمها
الستر في زمن الجنون
******************
******************
أصبـح كتيرنـا
إنسان ضرير
فقد الدليل
عكازه ماله وسلطته
وفي وشه راسم كدبته
وفي قلبه شايل حقده، ظلمه، قسوته
******************
أصبـح كتيرنـا
اللي بيوعد الوعود وميوفهاش
واللي يبيع كل اللي ساعده وببلاش
واللي المبادئ والقيم بالنسبه ليه ملهاش أساس
دلوقتي اصبح
الظلم سايد
والعدل والإحساس بقوا أسوء مساوئ
******************
ما هو بينا ناس مفيهاش ضمير
وفي كتير أصبح ضرير
رغم العيون مفتحين !!
بقت الوجوه متشكله متلونه وبألف لون
في ناس طمعها وظلمها خيلها ممكن تكون
إله لغيرها من البشر
وناس بتندب بختها
وناس بتلعن أهلها
وناس كبائر حلمها
الستر في زمن الجنون
******************
اللي بيشعر منبوذ ما بينا
واللي يراعي ربنا ملهش جنه
حتى الحرام دلوقتي أكلو إيمان وسنه
علشان نعيش بقى في الزمن دا نبيع عيالنا
وتموت قلوبنا ويموت ضميرنا
ي تعيش م بينهم شيطان ي إما......
تبقى ف نظرهم مجنون بِعله
اصبح خلاص بقى هو دا ،، حالنا ومصيرنا
******************
ما هو بينا ناس مفيهاش ضمير
وفي كتير أصبح ضرير
رغم العيون مفتحين !!
بقت الوجوه متشكله متلونه وبألف لون
في ناس طمعها وظلمها خيلها ممكن تكون
إله لغيرها من البشر
وناس بتندب بختها
وناس بتلعن أهلها
وناس كبائر حلمها
الستر في زمن الجنون
إبراهيم سعيد
Ibrahim Said