كلنا على بعض بنتشطر
الغالي اللـي معـانا نبيعو
والقاسي علينا عليه نصبر
★★★★★★★★
ف الزمن الراقي المتحضر
كلنا بنبيع بعضينا ف سوق
واللي ف الخلق يبيع أكتر
هو اللي بيطلع عالي لفوق
واللي يعيش فيه واضح و شريف
م الصعب يلاقي لنفسه مكان
مبادئنا ودينا بقوا تخاريف
والكل يقول عديها ي مان
★★★★★★★★
ف الزمن الراقي المتحضر
كلنا على بعض بنتشطر
الغالي اللي معانا نبيعو
والقاسي علينا عليه نصبر
★★★★★★★★
آا ي عين آا ي ليل ع الأخلاق
ع الحب اللي محدش فاكروا
ف زمنا بقوا أمراض ووباء
والكل خلاص حجـر قلبـه
والكل خلاص بيعيش يومه
ويقولك نفض ليها ي عم
يهتم بشكلـه وبهدومـه
وبينسى حاجات ف حياته أهم
★★★★★★★★
ف الزمن الراقي المتحضر
كلنا على بعض بنتشطر
الغالي اللي معانا نبيعو
والقاسي علينا عليه نصبر
إبراهيم سعيد
Ibrahim Said