حاسب نفسك
قبل م تيجي ف يوم تِتحاسب
مِن جهلك مِن ظُلمك حاسب
أصل الموت دا مَلُهش كبير
ماتعش ف طبل وزمامير
اللي ينافقك ،،،،،،
واللي يطَبِلك يضحكلك
واللي يقولك ان طريقك ،،،،
تبقى ملك ف الدُنيا تخلد
وتعيشها مِن غير تفكير
*********
ايه المعنى من دُنيا مُتمسك بيها
وعايشهـا وكـإنــك فيهــا
زي الطور ،،،،،،،،
أصل الدُنيا لا ماتشات كوره
ولا لُغـز كبيـر أو فَــزوره
أو عالم مخفي ومجهول
فَكر يَلا وشغل عقلك
وم تستقواش فيها بجهلك
أصل الموضوع مش مستاهل
انتا فقير مهما غنيت
وضعيف جداً مهما قويت
وصغير جداً مهما عليت
ومهما عِرفت هتفضل جاهل
أصل الموضوع مش مستاهل
**********
حاسب نفسك
قبل م تيجي ف يوم تِتحاسب
مِن جهلك مِن ظُلمك حاسب
أصل الموت دا مَلُهش كبير
ماتعش في طبل وزمامير
اللي ينافقك ،،،،،،
واللي يطَبِلك يضحكلك
واللي يقولك ان طريقك ،،،،
تبقى ملك ف الدُنيا تخلد
وتعيشها مِن غير تفكير
وتعيشها مِن غير تفكير
إبراهيم سعيد
Ibrahim Said