عاهديني
عاهديني
وبستنى أشوف كلمه ...
ف قلب رساله جيالي
أشوف حالي ...
وانا خالي من التفكير
أدوب من كلمتين حلوين
واعيش وياكي طول الوقت
ف لحظه أترمي ف حضنك
تعبت من البشر والكدب
فأملي اني ألاقي ف حضنك المفقود
اكون مولود على ايديكي
يكون قلبي ضامم قلبك، وانا ف حضنك
أكون جمبك
تحبيني وتعشقي قلبي
تعاهديني تصوني وتبقي على حبي
فعاهديني ...
على إنك تكوني دليل ف وسط ليالي أيامي
ولو ضاقت حياتي ف يوم ...
تكوني حياتي ومكاني
تكوني سر يحييني ف وقت الحاجه للإنعاش
بوعدك ليا إنك تبقي ع الإخلاص
وتبقي معايا وقت الضعف والشده
وتبقي ليا نور يحميني م الوحده
وانا ابقالك كما تتمني هتلاقي
بروحي بقلبي بوفائي
هبقى تملي حاضنك وسط أشواقي 💟
إبراهيم سعيد
Ibrahim Said