عاجبك حالك ؟!
كل الأحلام اللـ بنيتها
اتهدت بيك
وهتفضل بس انت لأمتى
الطيبه دي فيك
ف زمان مليان...
بالناس الخاينه وبالملاعين
اااااااااااااا////////////اااااااااااااا
بتآمن مين !؟!
بتآمن مين انت يا طيب !؟!
يابو قلب بيتقَّسم نصين
لو بس تشوف ف عينين غيرك
دمعه وأحزان
مشبعتش م الهم يا خايب
مشبعتش م الدنيا مقالب
عاجبك حالك ؟!
عاجبك إنك دايماً تتخان
اااااااااااااا////////////اااااااااااااا
كل اللـ اديتهم من عمرك
ف الشده باعوك
والناس اللـ كلِت من خيرك
ف الشده سابوك
واللـ انت عليهم كنت مراهن بحياتك
بعدوا وخذلوك
فوق... من وهمك فوق
اااااااااااااا////////////اااااااااااااا
عاجبك حالك ؟!
عاجبك يعني كل الأوجاع اللـ عايشها
والناس اللـ انت بتعرفها
مش بني آدمين
فبتشتري مين
بتبيع نفسك علشان خاينين
ناس خدعت قلبك بزياده
واكمنك طيب كالعاده
بتسامح دايماً ناس ضالين
اااااااااااااا////////////اااااااااااااا
بتسامح مين!؟!
بتسامح من باعك سابق
دا بدل م تعاقب وتفارق
تبقى عليهم !!!!
دي الدنيا خلاص بالنسبه لك
كالسجن الملعون بآذاهم
شوف من طيبتك اي اللـ جرالك
عاجبك حالك ؟!
اااااااااااااا////////////اااااااااااااا
دانت يا طيب...
عمرك م خليت يوم م الأحزان
عارف ايه أكبر أوزارك
إنك لساك عايش انسان
اااااااااااااا////////////اااااااااااااا
اااااااااااااا////////////اااااااااااااا
إبراهيم سعيد
Ibrahim Said