| مصنع أوهام |
ف عز همومك وجراحك
وف عز م دبحاك أوجاعك
بتضحي اكتر علشان غيرك
علشان ناس........
أرحمهم ف الشده اهو سابك
بتضحي وتستحمل دايماً
عايش كالأعمى ومش شايف
ااا---------------------------------ااا
وشك واحد مبيتغيرش
مهما حاولت انـك تتغير
وتملي تحاول تبقى احسن
وبترجع أســوء م الأول
ااا---------------------------------ااا
وف عز الليل تلقاك صاحي
والكل نيـام.........
كوابيس غيرك بالنسبه لك
زي الأحـــلام
متعود دايماً ع الوحــــده
وحياتك مصنع للأوهـــام
ااا---------------------------------ااا
بتَقَضي حياتك في شدايد
وتتاجر دايماً ف الخســران
الدنيا في عينك لون واحد
أســـــــــــــــود غامــق
ولغيرك بتبان بالألوان
ااا---------------------------------ااا
ماشيه الدنيا وياك بالعكس
وف كل دقيقة تعدي تحس
انك ف الدنيا..........
اقل البني آدمين ف الحظ
ااا---------------------------------ااا
احزانك دايماً تسعدها
وتكشر لو مره انت ضحكت
لو فرحه تقرب تبعدها
وتزود هم عليك وتحط
ااا---------------------------------ااا
واللي بيسأل يوم عن حالك
بتقوله تمام
وتزييف دايماً ف ملامحك
بسعاده تبان
وبرغم الهم اللـ ف قلبك
اللـ يكفي مليون إنسان
قادر تضحك !
وتبيين عكس اللـ تحسو
وتخبي مشاعرك وبإتقان
والناس بتصدق
وبتحسد قلبك لسعادته
مش داريه بخيبتك وبخيبتو
وبإنك مصنع للأوهام
ااا---------------------------------ااا
ااا---------------------------------ااا
إبراهيم سعيد
Ibrahim Said