أهلاً بكم أعزائي في كل مكان، تُسعدني مشاركتكم هذا الفيديو، وهو شعر عاميه من كلماتي وأداء صوتي
(حاسب نفسك)
الفيديو يحتوي على الكلمات، وأيضاً الكلمات مكتوبة أسفل الفيديو في هذه المشاركة
أرجو أن ينال هذا العمل إعجابكم ورضاكم
- إذا أعجبكم الفيديو لا تبخلوا علي بالإشتراك في المدونة وفي قناتي على اليوتيوب وصفحاتي على مواقع التواصل الاجتماعي ان كنتم لم تقوموا بالاشتراك، ومتابعتي ليصلكم الجديد
كلمات " حاسب نفسك "
حاسب نفسك
قبل م تيجي ف يوم تِتحاسب
مِن جهلك مِن ظُلمك حاسب
أصل الموت دا مَلُهش كبير
ماتعش ف طبل وزمامير
اللي ينافقك ......
واللي يطَبِلك يضحكلك
واللي يقولك ان طريقك ......
تبقى ملك ف الدُنيا تخلد
وتعيشها مِن غير تفكير
*********
ايه المعنى من دُنيا مُتمسك بيها
وعايشهـا وكـإنــك فيهــا
زي الطور ......
أصل الدُنيا لا ماتشات كوره
ولا لُغـز كبيـر أو فَــزوره
أو عالم مخفي ومجهول
فَكر يَلا وشغل عقلك
ومتستقواش فيها بجهلك
أصل الموضوع مش مستاهل
انت فقير مهما غنيت
وضعيف جداً مهما قويت
وصغير جداً مهما عليت
ومهما عِرفت هتفضل جاهل
أصل الموضوع مش مستاهل
**********
حاسب نفسك
قبل م تيجي ف يوم تِتحاسب
مِن جهلك مِن ظُلمك حاسب
أصل الموت دا مَلُهش كبير
ماتعش في طبل وزمامير
اللي ينافقك ،،،،،،
واللي يطَبِلك يضحكلك
واللي يقولك ان طريقك ،،،،
تبقى ملك ف الدُنيا تخلد
وتعيشها مِن غير تفكير