إعلان الرئيسية


وتِضحك وقت م تشيلها 

كما الطفله،،،،،

وتتحمل مقَّالِبها وتكشيرها 

وضوافِرها اللي زي السيف 

لما بتتزرع جواك 

وتِبقىَ عليها رغم اللي انتَ بتشوفُه

ورغم حاجات كتير بِتشوفُها مش عاجباك

عشان هي اللي من دَمك

ومع إنك،،،

تملي فاكرها لَكن للآسف ناسياك

~.~~.~~.~~.~~.~~.~

سقيت الأرض يوم بالدم 

عشان تحميها م المحتل

وتصرخ في وشوش الكل

دي أُمي،،،،،

دي بلدي اللي من غيرها مليش عنوان

وترفع راسها بوجودك وتطمن

وتتأكد هتوصل بيها بر أمان

~.~~.~~.~~.~~.~~.~

تعاتب فيها وتلومها 

عشان انتَ اللي بِتشيلها 

وهي بتُرفُضك أوقات

وتقبل حد مش مِنها

على أمل انو هيشيلها

ووقت م يخلى ويسيبها

تلاقيها قوام فاكراك

فَتِنسى اللي صَدَر منها

وتِرمي جحودها كُلُه وراك

~.~~.~~.~~.~~.~~.~

عشان انتَ الأمل ليها 

وجودك شيء بيحميها

من اليأس اللي ممكن يفترس روحها

ومن سمسار يفكر يوم ويتجرء

يِجَزء فيها ويبيعها

عشان انتَ الأمل يابني

وفيك أرواح كتير ماتوُ

م هي امك وهُمَّ اللي استشهدوُ اخواتك

~.~~.~~.~~.~~.~~.~

عشان انتَ الأمل يابني

بلاش تيأس ،،،

وتتنازل عن المبدأ

ومتخليش شيطان يغويك

يغير فيك،،،،،

ولا تصدق،،،،،

كلام يتقال 

وناس طمعانه ي ف أرضك 

ي كَسب المال

~.~~.~~.~~.~~.~~.~

ورغم انك ف وقت الفرح 

ممكن تتنسي ف لحظه

كإنك كُنت مش موجود

ف وقت الحاجه والشده 

لَكن ايه الغريب ف الأمر ؟

م هي دي مصر !!

لا تقدر عنها تِستغنى

عشان عمرك م كنت جحود

تعيش مَنسي وميهمش

ووقت م هي تحتاجك تكون موجود

~.~~.~~.~~.~~.~~.~

وتفرح بيك شويه وبعدها تِذمك

لَكن أكتر م بيهمك

تعيش مِتصانه وقويه

وتبقىَ مُستعد تموت 

عشان مَتبنش مَحنيه

عشان انتَ الأمل يابني

ومن غيرك تموت هي

عشان انتَ الأمل يابني
ومن غيرك تموت هي







إبراهيم سعيد
Ibrahim Said
ليست هناك تعليقات
إرسال تعليق