في زحام الدنيا دي الحقيقه المؤلمه ↘↘
مشاعرنا ضاعت مننا
أخلاقنا بعدت مش هنا
وف قلبنا حتة حجر
ف الزحـام الكل تـــاه
ترك الحياه بمعنى الحياه
حتى الأمل مش مُنتظر
واللي باقي مننا شوية فتات
واللي يجمع بينا الاختلاف ويا الشتات
ايه اللي باقي م المعاني الحلوه فينا
غير بواقي ذكريات، بتموت وادينا
إنتهينا !!!
❊❊❊
❊❊❊
الضمير جوانا أوشك ينتهي
والمحبه اللي بينا
في ضلام الجهل بدأت تختفي
واللي يتعامل بحسن النيه أهبل أو غبي
ليه بقينا نخون ونخدع عادي جداً
لو في واحد يبني في مليون بيهدم
لو في واحد يحيا الحب في مليون بيعدم
في مليون بيعدم
إحنا فين ؟؟
إحنا فين من كل حاجه ليها معنى
ليه نسينا وللشيطان كده سيبنا روحنا
والنتيجة إننـا في طمعنا ضعنا
إحنـا مين ؟
مين يجاوب عالسؤال ؟
كل واحد فينا عايش حالو حال
واللي ماشي ع اليمين تلاقيه شمال
ألف وش وألف لون فوق كل وش
والكلام بقى كله متذوق وغش
والمبادئ والقيم ف حياتنا هش
واللي باقي مننا شوية فتات
واللي يجمع بينا الاختلاف ويا الشتات
ايه اللي باقي م المعاني الحلوه فينا
غير بواقي ذكريات، بتموت وادينا
إنتهينا !!!
❊❊❊
كل واحد همو نفسهُ ف الزمن دا
م الخيانه م بنأمنش لروحنا حتى
والجشع عشش م بينا ف كل حته
الاختلاف في الرأي لا يفسد قضيه ↘↓
هو مين بيدي فرصه للمناقشه ؟!
الموده والمحبه كله كدب وتمثليه
والبقاء للأقوى هو قانون حياتنا
المظاهر والنفاق بقوا شيء أساسي
والمجامله في الكلام طبعاً معاهم
والجحود بقى شيء طبيعي، وجوده عادي
ومفيش م بينا ف الزحام لحظة تفاهم
واللي باقي مننا شوية فتات
واللي يجمع بينا الاختلاف ويا الشتات
ايه اللي باقي م المعاني الحلوه فينا
غير بواقي ذكريات، بتموت وادينا
إنتهينا !!!
إبراهيم سعيد
Ibrahim Said