إحساس كَفيف وملوش عينين
لما تحس ان الإيدين
لما بتلمس حاجه تتحول تراب
لما يكون جواك عجوز، وانت من براك شباب
إحساس كفيف عمال يخّبط جوه منـــــــــك
مره يقع مره يقف وف كل مره تحس بيـــه
لازم يذلـــــــــــــــــــــــك
لازم يذلـــــــــــــــــــــــك
إحساس جبان دايمًا يخاف ويخوفك
وف أي حته بيحدفك، ويكسرك ويبعترك
ويلم فيك، وهو أصلاً مش لاقيك
علشان إيديه مش حاسه بيــــك
علشان عينيه مش باصه فيــــك
لإن إحساسك كفيف وهو دا اللي معذبـك
إبراهيم سعيد
Ibrahim Said
Ibrahim Said
احساس كفيف وملوش عينين ـ الله بجد
ردحذفدا من إحساسك الجميل . شكرا ً لتعليقك
حذف