| شاب عجوز |
أوقات كتير........
بغمض عيني واتخيل
واشوف ع الحيطه صوره كبيره مرسومه
عجوز يائس بيتألم
وباين حزنه ف الصوره
بشعر ابيض ووش مقسماه تجاعيد
وعلى خده دموع نازله
وبسمه خفيفه في شفايفه
وبيمثل بإنه سعيد
بشوفه وهو ف طفولته، ومن صغره
مفيش ولا حلم حققه يوم
ينام يحلم بميت عفريت
بغمض عيني واتخيل
واشوف ع الحيطه صوره كبيره مرسومه
عجوز يائس بيتألم
وباين حزنه ف الصوره
بشعر ابيض ووش مقسماه تجاعيد
وعلى خده دموع نازله
وبسمه خفيفه في شفايفه
وبيمثل بإنه سعيد
بشوفه وهو ف طفولته، ومن صغره
مفيش ولا حلم حققه يوم
ينام يحلم بميت عفريت
ابص ف عينه الاقي الصوره تتحرك
اخاف من شكله لما يبصلي يقرب
والاقي وشه بالدموع غرقان
اقرب منه وأطبطب على كتفه
يخدني ف حضنه كالطفل اللي ناقصوا أمان
عليه باين الوجع والهم
ومالي اليأس كل مكان
وجسمه زي قالب تلج
كإن مفهش نقطة دم
كما الميت بقالو زمان
الاقي عينيا بتدمع من المنظر
والاقي العمر متجسد .......
في يأس وحيره مش أكتر!
وأول كلمه أنطقها ........
اساعدك قولي بس ازاي ؟
منين انت ؟ ........
ولو في حاجه اعملها
أساعدك بيها اطلبها ؟
وأول كلمه ينطقها ....
أنا إنتَ !!!!!
أنا نفسك أنا جواك
عجوز رغم اني لسه شباب
كبرت وشبت م الأحزان
أنا إنتَ !!!!!
فلان وابويا إسمه فلان وجدي إسمه فلان
ساعدني بجد لو تقدر ومن أوجاعك احميني
من الهم اللي شايبني ويأس تملي يأذيني
حاولت أخَرَّج الأحزان
لكن دايماً مهش راضيه
ومن كتر الآلام زادت
مفيش جوايا ولا حته بقت فاضيه
أنا إنتَ !!!!!
وافوق من نومي على صرخه
والاقي ف عيني كام دمعه
وابص بخوف على الحيطه
والاقي صوره محطوطه
لكن صورتي وانا صغير
فاشك ف نفسي واتحير
وابص ف قلبي الاقي
شيء بغيض بيبان
الاقي اليأس متسرسب
م بين الهم والأحزان
واشوف صورة العجوز بينهم
يبصلي والدموع ف عينيه
وهو بيتعصر منهم
والاقي اليأس يضحكلي
وبيقولي متستغربش ؟
انا جواك !!
وهبقي تملي فيك ومعاك
لحد م حلم يتحقق من الأحلام
لحد م تبقى مره سعيد
وقلبك يخلى م الأحزان
وقلبك يخلى م الأحزان
إبراهيم سعيد
Ibrahim Said