أُعذرنا يا أشرف خلق الله
علشان ف زمنا اتهنت كتير
من ناس كفره ملهمش كبير
ناس جهل وكفر مقويهم
وقلوبهم زي سواد الليل
--------------------------------
عايشين ف زمن بقى بالمقلوب
والبنـي آدميـن ملهمش قلـوب
مــن بعــدك تهنـا يا سيـدنا
من ساسنا لراسنا بقينا ذنوب
--------------------------------
اللي بيحقد ويغير منـك
بيشوه بالكفر في صورتك
بيقول وبيغلط يا شفيعنا
وبيطعن بالجهل ف سيرتك
--------------------------------
بقى عادي الكلب يكون سيد
والحق بسلسله يتقيد
والباطل بقى هو الحق
وضمير الإنسان بقى ميت
--------------------------------
أُعذرنا يا أشرف خلق الله
علشان بالدنيا اتغرينا
وف نهجك فرطنا نسينا
وبادلنا الدنيا بآخرتنا
وطاوعنا شيطانا وضلينا
--------------------------------
دلوقتي بقينا يا سيدنا
تايهين بطمعنا ف دنيتنا
مبقاش دلوقتي في إحساس
والشــر اتمـلك ف حياتنـا
--------------------------------
اللـي بيوعد وعد بينساه
واللـي بيحرف ديـن الله
واللي بيقول وميعملشي
بقى نهج وسنة ناس وحياه
أُعذرنا يا أشرف خلق الله
أُعذرنا يا أشرف خلق الله
إبراهيم سعيد
Ibrahim Said