~~ من الأقصى ~~
سايبينّي ليه وسط الكلاب السعرانين
محبوس ما بينهم من سنين
بنادي فيكم يا عرب......
خلصوني من سجونهم
م القلوب الطمعانين
من بشر أفضل ما فيهم ملعونين
ناديت كتير ولاحد رد
وكإنكوُا نـاس ميتّين
أنا الأقصى اللي بتهان كل يوم
أنا شَرفكُم عَرضُكم يا مُسلمين
أنا شَرفكُم عَرضُكم
اللي أمَامكم مُستباح
وكإنو شيء ملهوش لزوم
وبقيتوُ عادي بتقبلوُ لو حتى راح
💢 💢 💢 💢 💢 💢
أخر الزمان لما الجبان يهين شُجاع
واما تصير الدُنيا سجن كبير وغابه
واما العرب تصبح جياع
تبيع ولادها وأرضها
وكلاب بتنهَش عَرضها
وآفاقين بيعيشوا على قوت الغلابه
فقدت فيكوا خلاص أمل كان جوه مِني
وانا ليا رب ادعيه يعيني
يحميني من شر الديابه
💢 💢 💢 💢 💢 💢
💢 💢 💢 💢 💢 💢
إبراهيم سعيد
Ibrahim Said