نسيم الصبح بيتحول ف بلادنا رياح
والدنيا اضيقت على روحنا من بعد براح
وطريق كان واضح قدامنا بقى توه وضياع
والنور اتحول بقى ضلمه
والخَرصّ اتمكن م الكلمه
والأخضر إتبدل لونه لاسود وهباب
❊❊❊
الباطل بقى حق ونافذ والحق صبح هو الباطل
وشباب م الهم صبح عاجز ونجاح م اليأس صبح فاشل
وخَضار الأرض بيتحول لعجَزّ وشياب
والشمس اللـ كنت بتنور غطاها ضباب
وكإن الناس وسط جهنم عايشين ف عذاب
وكإن الدنيا كابوس مرعب وبشرها كلاب
وحياتنا بقت واقع مؤلم مليان تزييف
الأقوى بياكل ف الأضعف وأملنا ضعيف
والحق ف أيامنا يا مؤمن أصبح تخاريف
❊❊❊
الكلب بيحكم دلوقتي ف نمور وأسود
واللـ بيتكلم ويعارض ف ثواني يموت
واللـ يقول حقي ويتفاوض طماع وجحود
يخرج من بيته ومش عارف ان كان هيعود
❊❊❊
الواطي صبح هو الغالي
والغالي رخيص
والجزء العمران بقى خالي
والرحمه مفيش
حاشية وكلاب سيدنا الوالي
رافضينا نعيش
والعدل ف أوراق القاضي
إعدام بشويش
❊❊❊
ف وطن بقى فيه
الميا نيران والجهل فضيله ف الإنسان
والعلم غريب وسط الطغيان
العدل ضرير والسُلطه ميزان
وجبانا شجاع وشجاعنا جبان
والخوف والرعب ف بلادنا أمان
وخسيسنا شريف ووسخنا نضيف
والأعمى بصير وبصيرنا كفيف
أخلاقنا عيوب وسفيهنا عفيف
الشرّ الخير والخير بقى شرّ
والكدب يشرف والصدق يعِرّ
الضر بينفع والنفع يُضرّ
والمُرّ الحلو والحلو المُرّ
وذليلنا عزيز وعزيزنا ف ذُل
الرحمه خطيئه والإحساس ذنب
مخلوق إنسان تتعامل كلب !!!
❊❊❊
وف عهد الزيف إعلامنا وضيع
تبجيل الحاكم زي التسبيح
وقبيحنا جميل وجميلنا قبيح
والبني آدمين للشِرا والبيع
❊❊❊
ف وطن مدبوح
فيه صوت الحق مرفوض ممنوع
فيه الإنسان ف الخوف محبوس
والخوف بقى سجن والكل سجين
حراس السجن مش بني آدمين
فيه الإنسان.......
محسوب بالكدب من العيشين
❊❊❊
ف وطن محكوم بحديد وبنار
حاكم بيجيب للشعب العار
مش حاكم فعلاً لكن سمسار
ف بلاد بتعيش مش لاقيه العيش
وف ناس بتعيش من غير إحساس
بيعاملوا الناس زي الدراويش
أو زي حثاله من الأوباش
اللقمه الحاف صارت أحلام
ولسان الناس مربوط بلجام
ف وطن ف صراع ومفهش سلام
فيه الأفَّاك عالم وإمام
❊❊❊
ف وطن بيعيش محكوم بشروط
ونفاق الحاكم واجب مفروض
والرأي الأخر مبقاش موجود
ف وطن متقسم لعبيد وملوك
وضمير مدفون وإيمان متروك
وغني وسلطان وفقير صعلوك
ف اللـ بيتعاش عكسه بيتذاع
واللـ بيتشاف عكس اللـ اتقال
ف وطن مذلول بقى كله جياع
حاكم بقى غول حامياه الأتباع
❊❊❊
وعلى دا الحال الناس بتموت
طول م بلادنا مِلك الحكام
طول م وعودهم أغلبها كلام
طول م الأعداء مع حكامنا....
زي السبابه والإبهام
فطبيعي يكون.....
العقل جنان والرقص أدان
وشذوذ إعلامنا إعجاز وبيان
وكمان ممنوع
تتعامل على إنك إنسان
أو تشعر يوم انك ف أمان
ووطنا الضايع ف الظلمات
يفضل ف سُبَات
ولا نعرفلوه أبداً عنوان
والدنيا اضيقت على روحنا من بعد براح
وطريق كان واضح قدامنا بقى توه وضياع
والنور اتحول بقى ضلمه
والخَرصّ اتمكن م الكلمه
والأخضر إتبدل لونه لاسود وهباب
❊❊❊
الباطل بقى حق ونافذ والحق صبح هو الباطل
وشباب م الهم صبح عاجز ونجاح م اليأس صبح فاشل
وخَضار الأرض بيتحول لعجَزّ وشياب
والشمس اللـ كنت بتنور غطاها ضباب
وكإن الناس وسط جهنم عايشين ف عذاب
وكإن الدنيا كابوس مرعب وبشرها كلاب
وحياتنا بقت واقع مؤلم مليان تزييف
الأقوى بياكل ف الأضعف وأملنا ضعيف
والحق ف أيامنا يا مؤمن أصبح تخاريف
❊❊❊
الكلب بيحكم دلوقتي ف نمور وأسود
واللـ بيتكلم ويعارض ف ثواني يموت
واللـ يقول حقي ويتفاوض طماع وجحود
يخرج من بيته ومش عارف ان كان هيعود
❊❊❊
الواطي صبح هو الغالي
والغالي رخيص
والجزء العمران بقى خالي
والرحمه مفيش
حاشية وكلاب سيدنا الوالي
رافضينا نعيش
والعدل ف أوراق القاضي
إعدام بشويش
❊❊❊
ف وطن بقى فيه
الميا نيران والجهل فضيله ف الإنسان
والعلم غريب وسط الطغيان
العدل ضرير والسُلطه ميزان
وجبانا شجاع وشجاعنا جبان
والخوف والرعب ف بلادنا أمان
وخسيسنا شريف ووسخنا نضيف
والأعمى بصير وبصيرنا كفيف
أخلاقنا عيوب وسفيهنا عفيف
الشرّ الخير والخير بقى شرّ
والكدب يشرف والصدق يعِرّ
الضر بينفع والنفع يُضرّ
والمُرّ الحلو والحلو المُرّ
وذليلنا عزيز وعزيزنا ف ذُل
الرحمه خطيئه والإحساس ذنب
مخلوق إنسان تتعامل كلب !!!
❊❊❊
وف عهد الزيف إعلامنا وضيع
تبجيل الحاكم زي التسبيح
وقبيحنا جميل وجميلنا قبيح
والبني آدمين للشِرا والبيع
❊❊❊
ف وطن مدبوح
فيه صوت الحق مرفوض ممنوع
فيه الإنسان ف الخوف محبوس
والخوف بقى سجن والكل سجين
حراس السجن مش بني آدمين
فيه الإنسان.......
محسوب بالكدب من العيشين
❊❊❊
ف وطن محكوم بحديد وبنار
حاكم بيجيب للشعب العار
مش حاكم فعلاً لكن سمسار
ف بلاد بتعيش مش لاقيه العيش
وف ناس بتعيش من غير إحساس
بيعاملوا الناس زي الدراويش
أو زي حثاله من الأوباش
اللقمه الحاف صارت أحلام
ولسان الناس مربوط بلجام
ف وطن ف صراع ومفهش سلام
فيه الأفَّاك عالم وإمام
❊❊❊
ف وطن بيعيش محكوم بشروط
ونفاق الحاكم واجب مفروض
والرأي الأخر مبقاش موجود
ف وطن متقسم لعبيد وملوك
وضمير مدفون وإيمان متروك
وغني وسلطان وفقير صعلوك
ف اللـ بيتعاش عكسه بيتذاع
واللـ بيتشاف عكس اللـ اتقال
ف وطن مذلول بقى كله جياع
حاكم بقى غول حامياه الأتباع
❊❊❊
وعلى دا الحال الناس بتموت
طول م بلادنا مِلك الحكام
طول م وعودهم أغلبها كلام
طول م الأعداء مع حكامنا....
زي السبابه والإبهام
فطبيعي يكون.....
العقل جنان والرقص أدان
وشذوذ إعلامنا إعجاز وبيان
وكمان ممنوع
تتعامل على إنك إنسان
أو تشعر يوم انك ف أمان
ووطنا الضايع ف الظلمات
يفضل ف سُبَات
ولا نعرفلوه أبداً عنوان
ولا نعرفلوه أبداً عنوان
❊❊❊❊❊❊❊❊❊
❊❊❊❊❊❊❊❊❊
إبراهيم سعيد
Ibrahim Said