| إلى مَن كانت |
إلى مَن كنت ليها سند
وكانت ليا أكبر غلطه حتى الآن
أنا الإنســـــان
اللي محبكيش ولا يوم
ولكن كنت بتحمل
عشان احميكي من الكلام واللوم
عشان حسيت بحُبك ليا وبشوقك
فخفت عليكي من صدمه وألم هيدوم
❊❊❊❊❊❊❊
ومقدرتش ولا مره أصارحك باللي جوايا
كدبت كتير عشان م اجرحش قلبك يوم
كدبت كتير وانا عايش
ف أسوء قصه وحكايه
لانا بحبك ولا قادر أقولك شيء
وصابر ع اللي يتكلم وع اللي يسيء
وكل دا كان ،،،،،
عشان بالحزن م تحسيش
❊❊❊❊❊❊❊
وانا مش لاقي للأوجاع
ف قلبي حد ونهايه
وانا معرفش إنك ناكره للمعروف
وإنك واحده ناسايا
نكرتي كل شيء مني حصلتي عليه
نكرتي كل حنيه وكل اللي قدرت اديه
انا اللي ف وقت تعبك كنت وياكي
انا اللي ف شدتك كنت السند ليكي
انا اللي غصبت على نفسي أعيش جمبك
عشان م الجرح أحميكي
وم يعتبش يوم قلبك
وياريت الـ انا عملتو
طمر فيكي
وغَير فيكي وف عِندك
❊❊❊❊❊❊❊
إلى مَن كنت شايل الهم بسببها
إلى مَن خانت العشره
كإني كنت بغصبها
تعيش ويايا بالعافيه
إلى إنسانه فيها احترت
انا اللي صبرت، وعشانك أنا اتحملت
برغم اني محبتكيش
برغم الهم اللي معاكي عشت انا فيه
دريت جوايا ،،،،،
على وجعي مقولتلكيش
سؤال واحد لنفسك بس جوبي عليه
بعد اللي فى قربك عشتو وعرفتيه
يا ترى دلوقتي حاسه بايه؟.
-----------------------------
-----------------------------
إبراهيم سعيد
Ibrahim Said