وبتحاول تبان أقوى
برغم انك ضعيف جداً
ومش لاقي لضعفك حل
ومن براك تبان عادي
ومن جواك شبح .....
يشبه خيال الضل
ورغم اللي انت بتعيشو
تبان دايماً .........
طبيعي زي باقي الخلق
وأيامك تعدي زي بعضيها
مفيش فيها .........
غير الأوجاع
وإحساسك بيتمزء
وقلبك اللي ياما اتباع
حاجات دايماً بتتكرر
مفيش فيها حاجات بتسُر
تنام وتقوم ومتمسك
بفكر عقيم مبيخلفش
سوى الأفكار .........
اللي دايماً تنتهي بالمثل
بتحلم .........
بس أحلامك متتحققش
وطيبة قلبك الملعون بإحساسك
تملي كاتمه أنفاسك
وكل اللي بتعملو خير
بيرجعلك أذى أو شر
تدوق الحلو يتحول
ف لحظه لمر
وبتحاول تبان أقوى
برغم انك ضعيف جداً
ومش لاقي لضعفك حل
ومن براك تبان عادي
ومن جواك شبح .....
يشبه خيال الضٍل
إبراهيم سعيد
Ibrahim Said