وكان مستني لحظه يقولها مشاعره
وكان ف قراره متردد فخد وقته
وكان دايماً لوحدو بيرسم الأحلام ويبنيها
وف الوقـت المناسـب قـال يبوح بيها
- وعاش أيـام كتير يداري مشاعره، يكتمها
وإحاسيس المحبه رابط لسانها ،، كان ملجمها
فضل مستني صابر لما فاض بالـوقت
وقرر ف النهاية انو يحكيلها مشاعره بجد
- وكانوا صحاب سوا مع بعض ف الجامعه
وكان مستني يبقوا لوحدهم مره
وجاتله الفرصه بص ف عينها واستنى
- قالتله مالك ي جدع في ايه ؟
فتهته ف الكلام وكسوفه بان ف عينيه
فضحكت ضحكه منها، اتكسف أكتر
وقال بعدين هنتكلم عشان دلوقتي مش هقدر
فمسكت إيدو بإيديها، وقف ف مكانه واتسمر
بهمسة حب همستله، بأجمل كلمه نطقتله
بكلمه واحده مش أكتر ؟؟
♥♥ بحبك ♥♥ 
إبراهيم سعيد
Ibrahim Said