| المسئول😡 & المواطن😞 |
😡 إبني ف بلدك حقق ذاتك
شارك حلمك وابني حياتك
ايه هيفيدك لو تتغرب
قرب وابني ف بلدك قرب
😞 نِفسي ي فَندم وانا أتمنى
لو ف فرصه ليـ كُنت استنى !
أصل ي فندم أسهل حاجه انك تِتكلم
علشان باصص من فوق دايماً
مُش حاسس بالنـاس ي معلم
😡 بتقول ايه ي مواطن إنـتا
جي تخرف أو تستظرف
قصدك ايه؟
😞 أنا لا بخرف ولا بستظرف
أنا غلبـان ي سعـادة البيـه
أنا إنسان مش لاقي الفُرصه
عايش عمري تملي ف شده
واللي بيوعد دايماً يخلف
ولا شيء اتحقق بالمَرّه
- ي سيادة المسئول اسمعني
وبلاش بكلامك تقاطعني
إديني فُرصـه اتكلم مَرّه
من غير م سيادتك تِمنعني
😡 عايز ايه اتفضل قول
ايه مطلوب مني كمسئول ؟
😞 مطلوب تشاركني اللي بيحصل
مش تِغصبني وتِلوي دراعي
كل قرار تاخدوه لمؤاخذه
ليه دايماً ياجي على دماغي
هو انا ناقص بس يا فَنـدم
دانا على أخري فايه الداعي ؟
- أنا مش حمل هموم فوق همي
اسمعني وحاول تِفهمني ـ أو فَهِمني
أنا أصلاً على أدي وماشي
ربنا يعلم بيا ـ ارحمني
😡 أومال مين هيشيلها ي إبني
مين غيركم هيعلي ويبني
لازم تتحمـل وتكمـل
ودا واجب وعليك توعدني
😞 أوعد ايه انا بس يا فَندم
دانا بندب على حظي وبلطُم
هـو مفيش غيرنـا بيتحمـل
وقت الشده نِشيل فوق راسنا
ووقت الفرح مفيش غير شكراً
- ف يا فندم ناس تانيه كتير
ممكن وبــ 1%
من مالهم يعملوُ تغيير
ليـ يا فَندم قراراتكم دايماً
بتزود حملي وانا فقير
- بقى بالعقل ي فَندم يعني
لا بتساعدوني ؟!
ولا هتخلوُ ف جيبي مَليم !
خدوُ مِن واحد مالو كتير
دا يا فَندم عمره م يتأثر
علشان أصلاً ملياردير
- مش فارقه وياه كام ألف ـ أو مليون
وانت هتاخد حاجه بسيطه ـ مش هيحس
انما لو بالعقل ي فندم
اللي بيحصل إسمو جنون
😡 لازم تتحمل ماهي بلدك
دا انت الأولىَ انك تخدمها
😞 ماشي ي فَندم دا يشرفني
بس ازاي وانتا بترغِمني
وازاي أخدم بلدي لوحدي
وفي غيري بيستنزف خيرها
- وقت الحرب انا أول واحد
بيدافـع عنهـا ويحميهـا
واللي بياخد خيرها يسيبها
وكإنو مش مولود فيها !
- أنا مش برفُض اني اتحمل
وأشـارك لو حتى بدمـي
بس انا برفض أبقى تَملي
مغصوب على حاجه بتأذيني
- أنا مش بطلب مِنك حَسنه
أو بشحت وبقـول ادينـي
بس مينفعش ابقى ف بلدي
ومليش رأي ؟!
ولا مسئول فكر يراعيني !
- آسـف جـداً بس ي فَندم
فاض بيا على الأخر فعلاً
علشان يعني أقل م يمكن
إني أعيش مستور ف الدُنيا
وقت الموت القى اللي يشيلني
- إبني ي فَندم لما يهاجر غصباً عنه
مين هيعيني ؟؟
وقت الحاجه مين هيشيلني ؟؟
وقت الموت
مين هيكفني ويدفني 
؟؟
؟؟
😡 عَلِم إبنك كده من صُغره
لا يهاجر ولا يطلع بره
😞 مش بإيدينا ي فَندم حاجه
إحنا ي فندم ناس مُضطره
😡 ايه يضطرك يعني تسافر
وتسيب بلدك ؟؟
😞 أكل العيش وظروفنا الصعبه
لما نلاقي الدُنيا ي فَندم
قفلت واسودت في عيونا
نعمل ايه ؟؟؟؟؟
قفلت واسودت في عيونا
نعمل ايه ؟؟؟؟؟
نِشحت يعني حق اللُقمه
- م اللي بياجي مش بيكفي
مش جايب نص المطلوب
واما بطالب وبقول حقي
غصباً عني عشان مغصوب
- فكر مره وألف ي فَندم
احنا تعبنا كده ع الأخر
خَليك عادل وبلاش تظلم
حالنا بقى بيصعب ع الكافر
- صدقني ي فَندم فاض بينا
وتعِبنا من تُقل الحِمل
والغلبان ف بلدنا يا فَندم
مِن همُه قرب يتشل
مِن همُه قرب يتشل
✐✍✐✍✐✍✐✍
¯`•¸•´¯¯`•¸•´¯¯
إبراهيم سعيد
Ibrahim Said